पिंपरी-चिंचवड महानगरपालिकेच्या आगामी निवडणुकीसाठी राष्ट्रवादी काँग्रेस पक्षाने प्रभाग क्रमांक ७ मधून विराज लांडे यांना उमेदवारी दिली आहे. सँडवीक कॉलनी, खंडोबा माळ आणि लांडेवाडी या भागांचा समावेश असलेल्या या प्रभागातून त्यांनी ओबीसी प्रवर्गातून अधिकृत उमेदवारी अर्ज दाखल केला. मंगळवारी (दि. ३०) दुपारी सव्वा दोन वाजता भोसरी येथील निवडणूक कार्यालयात त्यांनी ही प्रक्रिया पूर्ण केली.
उमेदवारी अर्ज दाखल करताना राष्ट्रवादी काँग्रेस पक्षाचे प्रमुख पदाधिकारी व कार्यकर्त्यांची मोठ्या प्रमाणावर उपस्थिती दिसून आली. यावेळी राष्ट्रवादी काँग्रेसचे नेते अजित गव्हाणे, नंदकुमार लांडे, प्रकाश सोमवंशी, विक्रांत लांडे उपस्थित होते. तसेच भोसरी विधानसभा क्षेत्राचे पहिले आमदार विलास लांडे आणि माजी नगरसेवक विश्वनाथ लांडे यांच्या मार्गदर्शनाखाली अर्ज दाखल करण्याची प्रक्रिया पार पडली. कार्यकर्त्यांमध्ये मोठा उत्साह असून परिसरात निवडणुकीचे वातावरण निर्माण झाले आहे.
Focus on PCMC Development Initiatives
विराज लांडे यांनी गेल्या काही वर्षांत प्रभाग क्रमांक ७ मध्ये विविध सामाजिक उपक्रमांच्या माध्यमातून नागरिकांशी जवळचा संपर्क ठेवला आहे. ज्येष्ठ नागरिकांच्या समस्या, तरुणांच्या रोजगार व शिक्षणाशी संबंधित प्रश्न, तसेच महिलांच्या अडचणी याबाबत त्यांनी सातत्याने संवाद साधला आहे. परिसरातील रस्ते, पाणीपुरवठा, स्वच्छता, ड्रेनेज यांसारख्या नागरी सुविधांसाठी त्यांनी प्रशासनाकडे पाठपुरावा केला आहे.
त्यांच्या सामाजिक कार्याची दखल घेत तसेच स्थानिक पातळीवरील स्वीकारार्हता पाहता राष्ट्रवादी काँग्रेस पक्षाने त्यांची उमेदवारी निश्चित केली. विराज लांडे यांच्या उमेदवारीमुळे प्रभाग क्रमांक ७ मधील निवडणूक अधिक चुरशीची आणि रंगतदार होण्याची शक्यता व्यक्त केली जात आहे. आगामी निवडणुकीत मतदार त्यांना कसा प्रतिसाद देतात, याकडे सर्वांचे लक्ष लागले आहे.
https://mahaparvnews.in/pcmc-elction-pankajpawar-maheshlandge/
